梁靖琪為高踭鞋爆喊

藝人梁靖琪（Toby）宣布佗B後，昨日首次出席公開活動，同場還有郭少芸與韓君婷。穿露肩貼身裙的Toby肚大如籮，但仍着4吋高踭鞋，她笑言最初老公不准：「因為我試咗好多鞋都唔啱，Depressed（鬱悶）到喊，老公氹我着乜鞋都靚，我話佢唔明，都拗咗廿分鐘，我話着一陣就除。（有咗BB情緒化？）唔係，算好好，佗咗咁耐先喊咗兩次。」
梁靖琪貪靚，腹大便便都要着高踭鞋。
梁靖琪貪靚，腹大便便都要着高踭鞋。

Toby指預產期為明年初：「醫生話可以生豬仔，希望順產。（心情緊張？）都緊張，依家成日發夢生仔。」又笑言老公很擔心她：「如果佢陪唔到我，會一日打十幾個電話嚟，連我阿媽都話『又係佢呀』！雖然我重咗20磅，但個個都話我佗仔好樣過唔佗，隻腳又唔算好腫，皮膚亦好好。」

郭少芸（左）、梁靖琪與韓君婷齊齊晒靚膊。
  • 郭少芸（左）、梁靖琪與韓君婷齊齊晒靚膊。