老婆多線人 羅仲謙冇得身痕
藝人羅仲謙和岑麗香昨日出席珠寶店活動，恨做老竇的謙仔請教香香生B方法。提到有傳謙仔與老婆楊怡造人成功，他大賣關子：「如果成功都唔講住。（有喜訊？）唔知，要問太太先知，如果係都3個月先講。（你放假休息？）唔係，嚟緊返內地拍劇。」對於有指張秀文拍劇時姣溝他，搞到楊怡去監場，他笑言：「我個助手係太太請嘅，TVB同事邊一個唔係我太太老友吖？（你身痕點算？）身痕梗係搵太太𢱑啦，冇第三個人。」
至於取代李佳芯拍《BB來了2》的香香透露明年才開拍，不知劇中老公是誰。她又稱沒想過「執二攤」問題：「有角色就去演，都係一個挑戰。」提到快將35歲生日，她笑言與老公和BB一齊慶祝已很開心。