余德丞扮BTS泰亨冧暈鄭裕玲

余德丞認真識撈，氹到嘟嘟勁開心。

鄭裕玲、陸永、C君、陳豪與余德丞昨日出席無綫節目《晚間看地球》記者會，眾人分別向嘟嘟送上「抗睡意」禮物，余德丞以BTS成員泰亨造型現身，除染灰藍髮色及戴有色隱形眼鏡，又跳舞派心心，冧到嘟嘟頻頻嗌「Good」及大笑，最後二人齊齊做心形手勢合照。

C君：灰狼驚咗嘟姐

拍過無數購物節目的嘟嘟透露，今次搞搞新意思，介紹晚間旅遊好去處。陸永笑言最大挑戰是進入森林與灰狼玩，事前要上堂，導師叮囑要按指示做，否則會送命，嚇得他心驚驚，幸而最後有驚無險。C君則說：「入到去嘟姐完全唔驚啲灰狼，反而啲灰狼驚咗佢！」陸永即指觀眾看完節目後，不難發現嘟嘟能統治萬物。

至於早前舉家到泰國旅遊的陳豪表示，聖誕將再次外遊：「太太（陳茵媺）一早安排返加拿大，到時成家滑雪，好期待。（到時太太再晒水着相？）唔會啦！上次泰國泳裝相係我包辦嘅。（下次到你晒泳褲相？）捨己為人？好難，依家唔得，等我操弗身形先啦！」

泰亨	陸永與C君笑言野獸都怕咗嘟嘟。	陳豪自嘲身形欠佳，唔敢晒泳褲相。