組合Soler成員Julio昨日偕樂隊ToNick為澳門的搖滾派對綵排，談及鄧紫棋與經理人張丹對簿公堂，Soler亦曾與張丹有合約糾紛，Julio說：「都知佢哋出咗事，但唔知已經分開咗，當年對我都好大影響，用咗唔少時間先可以企番起身。依家喺澳門用老竇個名開咗新公司，亦會同其他公司合作。（有咩意見畀鄧紫棋？）鎮定啲囉！希望佢唔好太灰心，佢嘅性格應該堅持得到。」
