楊張新悅唔捨得丟獎
名媛楊張新悅、名模馬詩慧及女兒王曼喜昨晚出席活動，曾做歌手的楊張新悅早前心思思想扔掉樂壇獎座，但最終還是保留：「都係唔捨得，其實搬咗幾次屋，有啲獎嘅角都甩晒，但老公好好，用萬能膠黐番。（囡囡知唔知你以前係歌手？）以前唔知，大個咗知係咩。大女好好笑，佢睇《金宵大廈》時問我點解唔拍。（有冇戲癮？）拍戲好辛苦。」又指女兒沒看過其影視作品。
至於早前到意大利睇內衣騷的馬詩慧，被問有否行騷癮？她說：「有啲，但啲模特兒嘅高踭鞋成五、六吋，以前我哋着兩、三吋，所以唔好搞我！」王曼喜則表示其興趣是攝影，行騷留給妹妹王麗嘉。
