女神堅丑樣 Britney Spears：美國樂壇天后Britney Spears近期全面休息，日前就上載着住藍色比堅尼晒身材嘅片段，仲留言讚自己似「女神」！可惜網民似乎唔多贊同，留言寸佢「膠樣」：「佢應該趁住萬聖節扮小丑，佢個樣真係好似！」
畀細路生擒 米倉涼子：日劇《Doctor-X 6》收視高開，連動畫《蠟筆小新》都食住上搵佢玩Crossover！米倉涼子飾演嘅女神醫大門未知子化身動畫人物，畀小新擒上膊頭博親香澤。米倉首次聲演，話緊張到出汗。
焗桑拿放雀？ Zac Efron：荷里活猛男Zac Efron近期見冇乜聲氣，前日就上載赤膊焗桑拿嘅相呃吓Like，染咗一頭MK金毛嘅佢Chok晒甫，諗住粉絲會留言讚佢型爆，點知大家將焦點放喺佢條褲頭帶：「我霎眼睇以為佢露下體！」