楊思琦爆辛酸史老公唔陪產檢
最近宣布再婚及佗B的楊思琦，昨日出席香港開電視的活動，並將於節目中自爆辛酸史。對於另一半的身份成謎，思琦坦言老公未有陪伴產檢及出席女兒的學校活動，對感情生活繼續守口如瓶。
《香港開電視2020節目巡禮》昨日假尖沙咀六星級酒店舉行，推介明年新節目，出席藝人包括梁思浩、楊思琦、鄭希怡、黃心美、Amanda S.及倪晨曦等。節目及廣告製作總監盧冰心指梁思浩主持的《經典怪談》將回歸，王牌節目《臥底旅行團3.0》會繼續添食，黃淑儀與陳倩揚將合作《揚GI甘露》講飲講食，更大談婆媳關係。她指暫時未有製作自家劇集，會注重綜藝及資訊節目。
繼續保持神秘
楊思琦將為香港開電視節目《是敢的》擔任嘉賓大談入行辛酸史，正佗B的她穿上四吋高踭鞋亮相，問老公是否批准？她笑說：「冇同佢講呀，諗住襯衫咋，今朝好趕，個女學校有活動。（老公陪你？）我同媽咪去。（老公少出席公開活動？）係呀，我出席就OK。（有冇陪你產檢？）我自己去呀！」宣布再婚的楊思琦對老公身份一直保持神秘，問到是否不希望老公曝光？她說：「冇，佢唔係圈中人，順其自然啦，唔會刻意，等佢慢慢接受。」
黃心美盼妹妹開心
黃心美講到在社交網分享妹妹黃心穎的劇集《牛下女高音》截圖，她說：「老實講我冇追劇，只係想借截圖希望大家唔好再叫我評價妹妹嘅演技，我冇資格評價，截圖嘅對白亦冇特別意思，只係收到邊張就貼邊張。」黃心美不知道妹妺可有睇劇：「跳出家姐身份，作為藝人睇到作品出街一定開心。（心穎有咩人生計劃？）唔知道，我只係同佢講希望佢開心、健康。」