戴祖儀做主動 奪李嘉豪第一次

歌手戴祖儀（Joey）早前為劇集《多功能老婆》插曲《天光前分手》拍MV，邀得無綫《big big channel》主持李嘉豪（Alston）擔任男主角，歌曲關於愛情的甜酸苦辣，少不免親密互動鏡頭，Joey笑說：「今次係Alston嘅處男MV，拍攝初頭比較拘謹怕醜，不過大家係後生仔女，好快就熟落。我好盡力主動帶佢，結果搞到自己好緊張！」導演認為Joey社交網照片的靚Pose非常配合MV，所以要求她做Chok爆表情兼騷長腿，她說：「但喺大班工作人員面前對住鏡頭做，原來好尷尬，我心底係個怕醜妹！」