黃智雯袁偉豪 床戲搞到要武指！
藝人錢嘉樂、「蝦頭」楊詩敏、黃智雯及袁偉豪等，昨午出席舞台劇《今晚打老虎》記者會。監製潘嘉德10年前開拍電視劇《王老虎搶親》，得聞他將劇本改編搬上舞台圓夢，一眾與他合作無間的演員即出手相助。
記者會上，嘉樂與蝦頭向投資方代表林建名送上印有老虎頭像的咕o臣及地氈，並說：「祝你虎虎生威、鞭鞭有力！」戲中蝦頭要紮胸演出，並向嘉樂「挑機」：「佢嘅螢幕初吻畀咗智雯，我梗係要爭佢嘅舞台初吻，最多封『老毛』畀佢，呢排要拜會吓（湯）盈盈先！」雖然是女扮男裝，但劇情會交代蝦頭上演一幕「鬼影變幻球」，解放上圍吸引嘉樂！
智雯及袁偉豪屆時將上演床戲，笑言要找錢嘉樂做武術指導。智雯受訪時指擔心嘉樂會忘記台詞，剛巧嘉樂路過，她即人急智生：「佢唔記得台詞啫，但勝在兜得番，所以值錢！」嘉樂笑說：「你仲識兜啦！咁你咪仲值錢？」