袁偉豪爆謝東閔大懵跑錯山
藝人袁偉豪前日與跑手莫紫凌、同學利定恒及藝人好友謝東閔，齊齊出戰《苗圃挑戰12小時慈善越野馬拉松》，為小童助學籌款。今次是全程42公里的接力賽，袁偉豪負責跑第四棒，共15.7公里，由城門水塘跑到大埔。
問到經常跑步的他賽前要否狂操？他說：「梗係要操啦！所謂跑開只不過唔係零開始，但今次要由城門水塘一路沿住山路跑去麥理浩徑一條好斜嘅路，又要孭水同香蕉、麵包補給，好在呢排天氣唔係太熱，都用咗個超水準嘅時間衝線。」問到籌得多少錢，他說：「籌到幾多仲未知，但以我名義支持嘅籌得6位數字，有位善長捐咗廿幾萬。」
浪費一粒鐘
袁偉豪又爆謝東閔的「蝦碌」小插曲，由於首棒莫紫凌拋離對手帶頭，緊接第二棒的謝東閔沒有其他選手跟跑，竟一度於山上迷路，上了另一個山，浪費了一小時有多，幸而第三棒急起直追，最終他們取得第三名，總算有交代。