林二汶預細場開騷唱足一個月

林二汶昨日現身電台宣傳剛在37歲生日時推出的第四張個人唱片,唱片內有兩幅由她親手畫的素描畫,原來最近她跟精描大師Paul Lung學畫:「上咗一堂,畫咗我屋企隻狗一個鐘,覺得自己都有少少天分。畫畫可以減壓,因為畫時要心無雜念!」她期望3、4年後可以成為畫家。

明年是她入行20周年,計劃舉行大型演唱會,紅館當然是首選:「紅館開騷係一生人一定要做一次嘅,公司有入紙申請,但未有消息,如果真係唔得,咪去壽臣山劇院,開夠一個月個唱囉!」