黃翠如逼蕭正楠Plan行程
藝人黃翠如昨日出席公開活動，透露近日不停食生日飯增磅不少，而每次慶祝均獲農夫成員C君撐場。問到老公蕭正楠有何表示？她指對方剛好拍完劇，近日終可當「住家男人」：「佢送咗個小心意畀我，同埋計劃緊去旅行，佢學緊點用網上旅遊app，平時都係我做Research o架！」
談到日前於林盛斌屋企開派對，舊情侶唐詩詠與洪永城同場，翠如說：「佢哋私下冇嘢，有食飯、有傾偈，當晚啲人全部由詩詠約。（網友想佢哋復合！）洪永城依家拍緊拖喎！詩詠同洪永城都係我朋友，洪永城女友都好Sweet。（佢哋社交網有互動！）Keep住係互窒朋友關係囉！」
同場的蘇志威則表示原定安排愛駒本月20日、其結婚21周年之日出賽，惟醫生指愛駒身體問題未能出賽，他說：「其實我唔記得，見粉絲甫嘢上網先知，咁我哋係1997年Boxing Day註冊，之後嗰年10月20日擺酒，所以呢個係擺酒紀念日。（點同老婆慶祝？）一齊食餐飯囉！」