唐詩詠認單身仲好珍惜洪永城

藝人唐詩詠昨午到中環出席活動，談到早前為好友黃翠如籌劃生日派對，她說：「佢有講明要叫邊個嘅。（難得同洪永城同場？）又唔係，平時你哋見唔到啫！（網民叫你哋復合？）唔好搞咁多嘢啦，我好珍惜呢段友情。」又斷言單身已一段日子，間接否認與緋聞男友陳思銘的關係。問到好友可有「好介紹」，她笑說：「如果有介紹，都要過咗黃翠如嗰關，佢會幫我篩選，而且嚴格兼有要求，你睇佢老公幾好就知。（怪唔得你冇拖拍！）我信佢，反而阿田（田蕊妮）就Open啲。」她坦言如今擇偶，希望盡量揀圈外人：「我拍拖想低調，但如果對方係圈內人好難，又會大壓力，比較難處理。」