孫慧雪舊相呃Like？含冤反駁
「宅男女神」孫慧雪近日不時在社交網分享性感照，大晒其33C上圍，噴血程度爆燈。惟有網民質疑她用舊照來「呃Like」，令她發長文澄清是「真近照」，並勉勵女性「女人要Keep一定Keep到」。
現年37歲的孫慧雪（雪雪）雖然已婚並是一子之母，但早前仍透露考慮40歲前再推出寫真。最近，她「試水溫」密密在其個人社交網上載性感相，見她穿上白色吊帶衫大晒33C驕人身材，身形Fit爆相當火辣！誰知性感照換來網民質疑她晒舊照「呃Like」，雪雪即時網上發長文反駁，並重申相片是新的，更是「前幾日影o架咋」！
然後有網民指她「佗B時個肚一定唔係好大」、「肥B唔肥人」才有現在這個效果，雪雪即指自己「囝囝38周出世有9磅，懷孕時體重都160磅」，並強調「女人要Keep一定Keep到」。
網民視為Keep Fit目標
雪雪表示最常聽到別人說：「擔心Keep唔到、會肥、會盆骨大、胸部變形，講到好擔心，同好似點都返唔到轉頭咁。仲聽到有人話大肚時諗住淨係食菜，因為怕肥！」她即時教大家千萬不要誤信：「如果係咁，就唔好做媽媽啦。因為做媽媽只會怕一樣嘢，就係BB唔健康！」她表示生完小朋友之後慢慢Keep也不怕遲，既然她可以大家都一定可以，還勉勵大家一起加油。不少網民都指難以置信她已37歲，要視她為終極Keep Fit目標。