JW改「B」計劃生三個夠數

歌手JW（王灝兒）與丁子高等前晚為節目《娛樂大家》擔任嘉賓，丁子高大讚公認最蠢的JW玩遊戲大有進步，JW即笑說：「佢哋仲以為我停留喺第一次玩嘅階段，唔知道我已經進步咗，自己有同朋友玩，同埋我資質又好、又聰明，所以進步咗囉！」但後悔太早暴露真身，相信會很快出局。
JW指生仔又貴又痛，笑言婚後唔敢生太多！
JW指生仔又貴又痛，笑言婚後唔敢生太多！

講到何猷君兒子出世，JW坦言都恨做媽媽，但並非現在：「細個想有個Big Family，希望生六個，但人大咗就發覺唔係咁易實行，但希望最少都生兩、三個。」丁子高則指太太楊千嬅忙於巡迴演唱會，又爆兒子Torres因少見媽媽而投訴：「有次視像通話，Torres用紙巾遮住鏡頭，有少少脾氣。」

丁子高爆囝囝耐冇見千嬅而發脾氣。
  • 丁子高爆囝囝耐冇見千嬅而發脾氣。