嘆紅館冇期 王馨平：難過排公屋！

歌手王馨平為ViuTV音樂節目《Chill Club》擔任嘉賓，透露今次獲節目主持兼老友湯寶如邀請，二話不說便答應撐場。錄影中，馨平演唱不同年代的作品，表示愛與年輕歌手合作：「其實舊年喺廣州都有同一位年輕男歌手合唱，只係喺內地宣傳，大家少留意啫！」又解釋仍然演出不少音樂節目，希望保持自己的歌手身份：「亮相多啲係好，我要畀大家知我仲係一個歌手嘛！（下年會開音樂會？）未有決定。（排紅館演出？）啲人講排紅館難過排公屋，我都有排過但冇期，惟有做多啲歌先，唔想咁倉促。其實我入行都過咗25年，打後邊一年都有藉口開慶祝音樂會，絕對夠年資！」