王敏奕遇鹹豬手犧牲Pat Pat
由梁漢文、王敏奕（Venus）與張慧儀主演的ViuTV劇集《假設性無罪》明日大結局，故事以職場性騷擾為題材，Venus有不少被鹹豬手的場面，在近日播出的一集中，她見客時慘遭灌酒及摸屁股。對於為劇集犧牲色相，Venus表示拍攝時冇加Pad，又揚言向來唔錫身，反而同事不停提醒她小心走光：「第一次咁重戲份，同事好緊張我，提我領口要拉高啲！」
至於梁漢文大讚張慧儀是劇中最搏命的演員：「之前有場慧儀色誘我嘅場口，第二日開工，望一望導演對眼做咩腫晒，原來佢拍完慧儀場戲後生眼挑針！所以你話拍呢部戲幾辛苦，隻眼都唔知放邊度好！」