麥潔文夫妻合唱呻老公搶Fo
歌手麥潔文（Kitman）前晚在麥花臣場館舉行演唱會，獲張彥博、楊玉梅等捧場。她與女兒天天合唱《至少還有你》，又在台上分享人妻心得，笑言要「應大則大、應細則細」：「應大則大係指胸襟，唔係胸圍，應細則細就係要細心。」老公江華之後出場合唱《Miracle》，引起全場歡呼，Kitman說：「你一出場就成為焦點，我有啲呷醋！」觀眾大讚江華靚仔，又大叫Encore，他笑言不想搶風頭：「呢啲留番畀我老婆啦，我上嚟唱歌，畀佢換衫。」
騷後受訪時，Kitman希望明年再開騷：「唱歌有壽命，趁仲唱到就想唱多啲。（之前老公唔畀你唱，要你湊仔？）有段時間係嘅，因為小朋友細，佢又要做嘢。」講到老公獲讚靚仔，她笑說：「咁咪好囉！（呷醋？）唔呷醋，我都唔執輸o架！」
