薛家燕嫌悶恨抱孫
歌手王梓軒昨日出席活動，阿軒即場獻唱年底個唱主題曲，透露會為此曲拍MV：「入行10年，有好多朋友、夥伴、恩師要多謝，個MV會以不同形式演繹。大家都知我恩師係趙增熹，佢從來唔幫歌手拍MV，我叫咗佢好耐，佢終於應承客串。（緋聞女友石祐珊有冇份演？）我有叫，但佢唔肯，尋日仲喺度講阿熹拍，佢就拍。同阿熹識咗十幾年，珊珊合作八年幾，阿熹排第一，佢排第二，應該要出場啦！」
同場的薛家燕表示入行61年，支持的觀眾年輕化，想把肖像推廣到海外。問到會否叫兒媳努力造人，早日做「家燕嫲嫲」？她說：「想咗好耐，但未有消息，唔好逼佢哋，依家緊張兩個女多啲！（做『家燕婆婆』？）佢哋婚都未結，成日叫我休息吓，咁我休息，都要畀啲嘢我做吓先得o架！」