郭富城愛駒跑第二袋30萬獎金

天王郭富城愛駒「舞士精神」前晚首次在跑馬地馬場出賽，他與太太方媛到場支持。城城對愛駒充滿信心，指牠狀態不錯，惜檔位較遜色：「檔位係第十檔，支持吓囉！（大熱門喎！）好擔心馬迷會盲目投注，一出賽就要投注，有啲嘢係要試，唔好辜負馬迷期望。（想佢錦上添花？）當然想佢贏，練馬師同我都想。」問到會否落重注？他笑稱不會：「唔好以為馬主會落重注，我上次都冇落注。養馬係樂趣，希望跑得好，馬主會有獎金。」
城城拖實方媛風騷揮手。
城城拖實方媛風騷揮手。

「舞士精神」往績不錯，更試過跑第一，問到是否已經開始賺錢？城城笑說：「未咁快，一路希望佢升班、有進步。（想做馬王？）唔會諗到咁快，希望佢健健康康，可以出賽已經好開心。」「舞士精神」最後跑第二名，為他贏得逾30萬獎金。

有馬迷手繪「舞士精神」，邀城城簽名。
  • 有馬迷手繪「舞士精神」，邀城城簽名。
方媛與小美手指指、密密斟。
  • 方媛與小美手指指、密密斟。