Aka帶失戀姊妹拜姻緣石
Super Girls隊長趙慧珊（Aka）昨日出席活動，透露多做運動，有助增生血管及加速血液循環：「全身運動啲血好啲，望落去都輕啲。聽聞食得多飯會影響心臟，媽咪係飯桶，我就唔畀佢食飯，但問咗醫生原來冇根據，搞到覺得自己好唔啱。」
提到隊友Cheronna與黃奕晨分手，Aka指女方的心情比之前好：「其實我哋都知道咗一段時間，前兩日做嘢，見佢心情收拾得七七八八，成班姊妹同公司同事都支持佢，之前佢當然傷心。有陪佢傾偈，但依家佢都冇乜提呢件事，正常番，又冇特別問。（佢同DJ阿檸係咪拍拖？）一定唔係，我哋知嘅。」她笑言有意帶Cheronna拜姻緣石：「但實情係我想去。」