楊思琦驚爆秘婚 大肚4個月
現年41歲的楊思琦自與吳帥分手後，獨力撫養現年7歲的女兒。一直強調單身的她，昨日驚傳有喜，已懷孕4個月！她承認有喜之餘，更自揭年中已在外地註冊結婚，因老公是圈外人，故沒有刻意公布或隱瞞，她不肯透露老公身份，但否認是之前傳緋聞的富商。
前港姐冠軍楊思琦曾與李泳豪拍拖，之後移情吳帥並誕下女兒楊卓穎，但最終分手，思琦獨力撫養女兒。成為單親媽咪的她專注事業及湊女，鮮有緋聞，但曾於2015年傳出秘交已婚生意人高健行，被拍得同坐一車。昨日有指她肚凸凸現身，驚傳已懷孕4個月！
韓國凸肚拍節目
上月思琦到韓國首爾街頭拍攝節目時被網友捕獲，當時她穿鬆身上衣，腹部明顯隆起，纖幼手腳更顯得肚凸凸，孕味非常濃，不過她在社交網上載穿相同衣着的Snapshot，疑似P圖，完全不見肚。本月8日，她上載到內地出席商演活動的相片，再次一反常態棄性感衣着，改以鬆身衫遮身材，不過其中一張相中的衣服摺起，「失手」現肚。
對於懷孕一事，思琦昨日受訪時直認不諱，並宣布已為人妻，她難掩喜悅說：「多謝大家祝福，年中嘅時候喺外地同圈外男朋友註冊結婚，我終於可以同大家講呢個好消息，我已經搵到我嘅愛的森林喇！生BB係計劃之內，並唔係意外，穎穎都好開心做家姐。」
「冇刻意隱瞞」
問到老公身份？她不肯露半點口風：「佢係圈外人，唔想影響對方，所以先低調處理老公同BB。（老公係咪之前傳緋聞嘅高健行﹖）唔係，老公係由朋友介紹。（點解咁遲先公開喜訊﹖）之前怕BB小器，同埋主要唔想影響另一半同BB，所以冇刻意公布，亦冇諗住隱瞞，順其自然，大家發現嘅話，問我會認。」又指工作不受懷孕影響，會如常擔任賈思樂的演唱會嘉賓。