歌手張崇基昨日到電台宣傳自資40萬、花三年時間籌備的個人發燒碟，表示限量推出一千張，即使賣清也要蝕本：「原本同細佬各出一張唱片，但市道問題出雙碟太重皮，直至三年前認識一個廣告音樂人先可以實行。」雖然製作過不少唱片，但他自爆今次幾乎老貓燒鬚：「好蠢咁做晒十首歌先去傾版權！有首張國榮嘅《奔向未來日子》要三顧草蘆，將概念、成品交晒去唱片公司，對方最後先答應畀版權。」
