阮兆祥唔諗生仔湯水滋潤20年情
現年52歲的藝人阮兆祥，跟女友Crystal愛情長跑20年，忙於為月底個唱排練的他，自爆有女友負責湯水，當傳來簡單一句留言「今晚有湯飲」，看似微不足道，但已令他感到窩心。經常被追問結婚問題，祥仔覺得最緊要兩人相處愉快：「我諗喺呢20年，我哋見證好多朋友結婚，亦見證唔少朋友離婚，咁係咪一定要結婚呢？」陳國邦、羅敏莊的女兒陳禛是他的契女，祥仔坦言曾被朋友問為何不生小朋友：「其實我好鍾意小朋友嘅，但我覺得如果又畀唔到足夠時間去陪佢哋，就唔可以稱職做一個好爸爸！」
呻搣唔甩搞笑形象
當年參加新秀歌唱比賽出身的祥仔，1989年推出處男唱片，為紀念做歌手30周年日子，自資本月底在旺角麥花臣舉行三場演唱會，擅長扮嘢的他坦言無法搣甩搞笑形象，但能夠令觀眾開心，自覺是其福分：「我就咁企喺度已經令大家開心笑出嚟，我應該感恩。」等足30年終能圓夢開個唱，他不覺得遲：「永遠都係嗰八個字，若然未到時辰未到，好難人比人，有機會做自己喜歡嘅嘢，夫復何求！」
能夠回歸歌手生活，他坦言是感恩的事，但認同做歌手包袱大，成也自己敗也自己：「每件事要講天時天地人和，好似呢段時間社會氣氛，可能令大家冇咁想消費，推出新碟同做演唱會係有少少壓力，不過盡做囉！」
做番歌手「贏硬」學友
為配合演唱會，祥仔接受新挑戰灌錄Hi-Fi碟：「做發燒碟同其他唱片要求唔同，我好似一個莘莘學子去練唱咁，要學習新嘅發聲方式。」今次發燒碟將翻唱全女班的歌曲，他笑說：「我覺得由男歌手去唱女仔歌有另一番感覺，我唔想同張學友、陳奕迅比，雖然明知贏硬……我意思係贏晒啲負評。」
場地：軒琴居
Hair：Eddy Kwong
Makeup：Tiffi Wong