賈思樂爆毛舜筠邀練歌

歌手賈思樂昨午到電台受訪，即將舉行演唱會的他表示綵排已如火如荼，6位女嘉賓包括毛舜筠及陳煒等更「自動波」要求與他配對台上衣飾、找專業設計師度身訂造靚衫，更主動邀約他練歌：「租用卡拉OK，或者去佢哋屋企練，毛舜筠仲話要同我練4個鐘先得，但佢唱一首歌咋！戚美珍就錄埋音畀我聽，話佢到時會咁唱，而其他嘅亦有提議加插戲劇成分演出！」問到會否擔心被搶鏡？他笑說：「冇諗呢啲嘢，女仔冇乜所謂啦，佢哋演出好，我會戥佢哋高興，亦相信佢哋到時嘅表現會超水準。」