蕊蕊揀美人魚睇埋個心

陳蕊蕊前晚舉辦亞洲美人魚小姐大賽總決賽，性感現身的她坦言活動曾三度改期：「諗住夏天前搞，但內部問題未搞掂，之後又因為太多問題，比較亂，所以改到今日。」有份擔任評判的她，表示評選準則樣樣都緊要：「泳裝要好睇，但技術都好重要，要睇埋表達能力，同埋要睇佢哋有冇為海洋保育嘅心。」冠軍可以成為美人魚大使，會到其他國家交流及宣揚海洋保育。
蕊蕊擔任評判揀美人魚，條件相當高。
蕊蕊擔任評判揀美人魚，條件相當高。

同場的郭政鴻對於好兄弟陳山聰下月1日結婚，笑言會封超市禮券給對方，講到山聰想生小朋友，他笑言：「之前叫佢都唔聽，依家就知死，鍾意（小朋友）啦，其實有小朋友個人正能量多啲，條路又清晰啲。（佢係咪已『造人』成功，影婚照時女友似刻意遮肚？）嘩！呢樣嘢真係唔知。（會唔會做契爺？）一定o架啦。」

蕊蕊向入圍的亞洲美人魚佳麗大派貼士。
  • 蕊蕊向入圍的亞洲美人魚佳麗大派貼士。