衛志豪引小偷埋身 女友慘食鹹豬手
藝人衛志豪（Michael）與女友阮兒（Chole）早前飛到西班牙拍攝旅遊節目，並參加當地著名的番茄節盛會，他笑言與番茄節甚有緣分：「我咁多年嚟只有兩次唔喺香港過生日，第一次係十幾年前去西班牙番茄節，呢次就係第二次，感覺好神奇！但今次有女友陪我過。」
提到難忘事，Michael自爆遭小偷埋身「搵食」，女友更慘被非禮：「其中有個搶Parma ham嘅環節，我要爬上條柱上面，有小偷就趁機喺我身後想偷嘢，我即刻打走佢，即刻帶埋Chole走，好彩冇財物損失，但女友就畀佢哋摸嚟摸去，變相被非禮。」活動中，兩人與群眾互掟番茄，卻因衞生問題導致皮膚敏感，身上出現紅疹。