林子博「失業」首復工獲萬元支票接濟
近年要照顧患癌妻成為家中唯一經濟支柱的藝人林子博，早前突然不獲無綫續約，昨日是他「失業」後首次開工擔任活動司儀，他坦言深切體會到人間有情，自爆一名有心人特意送上五位數字的支票以紓困，在八方支援下，其工作檔期已排至明年農曆新年。
早前不獲無綫續約的林子博昨日為體驗館活動擔任司儀，是他離開無綫後首次開工，同場還有歌手關智斌。林子博坦言原本這非首份工作：「之前仲有一個活動，同埋有部電影拍，但因為環境因素取消咗，部電影開唔成。」並透露不獲續約的消息曝光後，不少人非常關心其經濟狀況，更伸出援手，令他深感人間有情：「身邊好多人好幫忙，落街見到啲商店老闆，佢哋都主動同我打招呼，叫我加油！好似我住嘅屋苑，個業主立案法團主席平時好惡，成日鬧啲保安，有日佢見到我，話睇到我嘅報道，佢好感性眼濕濕咁畀咗張支票我，叫我自己寫名上去，話係佢小小心意，張支票都有五位數字。」
「過檔」拍劇
林子博表示演藝人協會主席古天樂親自致電了解其情況，他說：「當年我同古仔都係拍《卡拉屋企》，大家識咗好多年，佢問我ViuTV劇組有冇搵我，ViuTV嘅《地產仔》導演搵咗我，仲畀咗兩個角色叫我揀，受寵若驚，同導演講我有得拍已經好好，你覺得邊個適合我就拍邊個。」他續說工作已排至農曆新年：「每個月都有三個活動工作。（收入好過之前？）咁又未，因為之前有底薪再加外快。」
自嘲犯賤
以嘉賓身份出席活動的關智斌，對體驗館讚不絕口，並自嘲「犯賤」：「雖然我係大膽，但玩體驗館時又驚又Enjoy，所以我犯賤，呢個館好逼真，無論化妝、場景都好好。」他透露計劃去歐洲工作：「因為有個新Project，諗住去嗰度影靚相。（出寫真？）暫時唔可以透露，總之係性感相。（要操肌？）都要，所以食嘢唔可以食得多。」