李天翔被定型好人難做

藝人李天翔與莊思敏等前晚錄影無綫節目《娛樂大家》，離巢後首度回娘家的李天翔表示，因宣傳台慶劇《解決師》，故亮相節目，並自嘲玩遊戲很差：「希望一陣阿姐（汪明荃）在場，我會玩得好啲。大家咪睇我個樣以為好醒好曳，其實我好蠢。」
李天翔
李天翔

回復自由身的他表示將拍電影，問到會否到內地發展？他說：「之前有內地工作接洽，但合約問題傾唔成，其實去邊度工作都冇所謂。（太太點睇？）佢好明白，雖然會唔捨得，但點都支持我。（係咪唔想再演反派？）冇諗呢個問題，拍劇十幾年，就算成日演反派，都覺得仲有進步空間。如果你問我真人係好人定壞人，我梗係好人啦！不過講出嚟都冇人信。」

莊思敏有信心勝出遊戲。
  • 莊思敏有信心勝出遊戲。