泳兒玩濕身浸到皺皮

泳兒早前到東龍洲拍攝新歌《花心》MV，透露早前為演唱會影宣傳海報，同樣到該處取景：「上次攀山，今次就下海玩濕身，我要浸喺水入面，但個頭唔落水，導演初頭諗住只係浸一吓，但啲浪係咁沖埋嚟，最勁一次冚埋我塊面，飲咗幾次海水，雖然唔係浸咗好耐，但都覺得皺皮。」
泳兒唔怕辛苦，最緊要MV效果靚。
泳兒唔怕辛苦，最緊要MV效果靚。

她指《花心》是上首歌《野木蘭》的暗黑系列延續，之前的MV講述天使與魔鬼轉化成人，但依然有超能力，故MV出現不少懸浮鏡頭。又指歌曲講述透視人性的內心深處：「人人都有渴望、貪心或者花心嘅念頭，想做又唔敢做，我覺得花心係人嘅本性，冇對或錯。」

泳兒笑言飲了幾次海水。
  • 泳兒笑言飲了幾次海水。