翁嘉穗孖大隻仔貼頭密斟

翁嘉穗與兒子Jason邊行邊傾，感情要好。

似姊弟冇代溝

日前下午3時許，素顏上陣的翁嘉穗撇甩老公及細仔，與身形健碩的大仔現身中環行街。穿黑色上衣襯牛仔裙的她手腳纖瘦，身形弗到漏，相信令不少同齡女士羨慕。凍齡有術的她與Jason拍埋一齊儼如姊弟，邊行邊傾，期間又頭貼頭研究手機，可見兩母子完全冇代溝，感情不俗。

• 兩母子一齊睇手機。

貼地搭免費車

兩母子非常「貼地」，未有搭的士回家，步行至附近街頭等免費的屋苑專車。期間原本低頭撳電話的Jason，等了一會見未有車，開始心急，頻頻望迎面而來的車輛，直至見屋苑專車駛至，他即與母親急急上車返半山寓所。