前港姐張嘉兒日前和一對女兒到澳門享受三日兩夜之旅，網晒三母女睡在床上的溫馨照，卻自爆旅程一波三折。她說抵埗首晚睇煙花時，已孭着睡着的細女，但大女亦因太累扭計要抱：「結果抱住佢哋喺條街度走咗30分鐘都未有的士，最後搭咗大半個鐘巴士先返到酒店。」翌日她更手震，大女則又屙又嘔：「有諗過帶佢哋去睇吓大三巴、買手信，見佢屙成咁又話肚痛，諗都唔夠膽諗。」
