黃婉曼做定功課拖老公入馬場

黃婉曼昨日與老公馮柏基拍拖現身沙田馬場，微露線頭的她表示前來支持朋友，問到會否落重注？她笑言：「點都會支持，但會做吓功課先，唔會靠運氣。平時有同老公傾吓馬經，佢由細到大都畀家庭薰陶。大女都有被感染，如果我講『加油』，佢就會講『馬』，佢好鍾意睇賽事，好鍾意動物，有時都會帶佢去馬房，餵食紅蘿蔔，但佢最鍾意狗，第一個學識嘅生字係『Dog Dog』，之後就『Mouse』，因為佢鍾意米奇老鼠。」有學習策騎的她表示，若小朋友長大後都會一齊學，因為是一種好運動。