黃翊收陸家俊做契弟
黃翊、陸家俊、黃寶欣、胡渭康等一班八、九十年代歌手早前攜手開騷，日前到黃翊新開的冰室搞慶功宴，席間黃翊跟家俊上契結拜為兄弟，黃翊開玩笑說：「家俊已經成為我契弟，你知唔知我恨咗幾耐？」復出樂壇後，兩人曾在無綫節目《流行經典50年》合唱，黃翊笑說：「好得我鍾意，原來我哋都係跟戴思聰學唱歌，呢半年因為合作開騷，大家經常見面，先知佢幾乖仔。」
至於上契一事，黃翊表示當日純粹講笑，豈料家俊爽快答應，他笑說：「佢真係傻，真係送我金飯碗，又斟茶畀我飲。我封咗利是畀佢，同佢訓咗幾句話，重返樂壇就練好啲歌，做咗我細佬，11月我生日有歌迷派對，記得嚟幫手！」