40歲美國男星班頓盧夫（Brandon Routh）未能憑2006年主演的《超人——強戰回歸》（Superman Returns）上位，但事隔13年，將於12月8日播映的DC超級英雄劇集《Crisis on Infinite Earths》系列再演超人！新造型首次曝光，超人兩鬢斑白，甚為滄桑。
班頓受訪時說：「對我嚟講，呢個係超人做到有始有終嘅好機會。當年20幾歲，我就諗之後幾年可能要演呢個角色，當然後來冇發生到，所以好榮幸借呢次機會了結心願。」近年班頓在超英劇集《明日傳奇》（Legends of Tomorrow）再演超英，但不是做超人，而是做「原子俠」。