「黑面女」唔經唔覺都出道咗好多年，但近幾年好似冇晒聲氣咁滯。雖然佢塊面平時笑唔笑都咁黑，但之前對住記者都仲算好聲好氣，點知有次出活動唔知佢做乜，對住記者竟然全程燶口燶面，塊面黑過鑊底，唧都唔笑，講嘢又寸寸貢，答問題一句起兩句止，唔知仲以為得罪咗佢全家！見到身邊啲工作人員都怕咗佢，個個唔敢同佢講嘢。估唔到佢撈咗廿幾年，啲脾氣都仲咁臭，睇嚟佢一日唔改臭脾氣，一日都好難再彈番起囉！
