黃智雯Ready結婚唔恨「視后」做嫁妝
黃智雯在無綫劇集《街坊財爺》中，與黎諾懿首次合作便要極速「打得火熱」，坦言最初也有擔心，但慢慢發現對方甚懂得照顧拍檔，令她感自在及信任，又指拍攝談情戲都會溝通，讓效果更浪漫，還勾起初戀回憶：「初戀都好少女o架！會做啲手作仔相簿送畀對方。」雖然與有米男友詹文天拍拖多年，但仍會為對方製造驚喜，她說：「雙方都要付出，但依家係講心思，好似對方講過嘅會記住佢鍾意啲乜，但我係大懵女友，好多時買畀佢唔啱Size，咁佢冇投訴嘅，但我冇得改進！」
法國進修「戲」功
近年不時傳婚訊，黃智雯坦言只差一個時機，雙方亦已認定對方，不怕日久生變：「我隨時都可以，但係要搵個Timing，但係幾時就唔知，最重要係兩個人都有默契，明白大家諗法。」問到未願出嫁，莫非是要挑戰「視后」？她笑說：「依家反而唔會諗個目的地，接到角色係會想豐富佢，令佢有層次。」原來她剛到法國進修演藝課程半個月，完成夢想：「一鼓作氣就去！當自己係張白紙，經歷咗好多，依家仲消化緊。」
化妝：Phoebe Yung
服裝：portspure
