藝人關智斌（Kenny）月中開完處男騷時，曾答應請容祖兒食飯，答謝她擔任嘉賓，想不到請食飯要到日本食，認真大陣仗。祖兒於社交網上載與經理人Mani及Kenny於日本一間餐廳的合照，多謝他請食飯：「我真係好鍾意見到佢，加上今餐飯張單係關老闆簽卡。」她又整蠱Kenny用濾鏡「摧毀」他變醜男，之後賣口乖：「又點會有任何濾鏡能夠耽誤呢位Sexy嘅俊俏面孔，佢嘅空降簡直令東京嘅顏值指數一夜飆升。」
Kenny表示終於可以做找數真漢子，又大讚祖兒：「呢位女士玩影相app已經玩到出神入化！」