張文慈睇人分手發夢都笑醒

藝人羅仲謙相隔3年再次拍無綫劇，於《木棘證人》與「三張」張文慈（Pinky）、張秀文及張曦雯等結片緣。劇集開拍約1個月，台前幕後打成一片。日前拍攝一場飯敍戲，講述張秀文有外遇，被男友謙仔揭穿，男方決意分手！鏡頭內氣氛緊張，鏡頭外，韋家雄則不停搞Gag，令眾演員哈哈大笑。Pinky笑言回家後「發夢都笑醒」，謙仔亦說：「拍完套劇，魚尾紋一定深咗。韋家雄話佢唔可以靜落嚟，要Keep住High先唔會眼瞓，真係用心良苦。」
張秀文（右）讚張文慈的禮物有心思。
張秀文（右）讚張文慈的禮物有心思。

問謙仔現實生活中，有否遇過女友劈腿？他說：「你估做戲咩？邊有咁戲劇效果呀？我比較樂觀，冇人知將來會再遇到咩人，依家我咪幾好囉。」演謙仔家姐的Pinky則化身「眾人家姐」﹕「依家個個都叫我家姐，我一啲都唔偏心，上次謙仔生日同佢切蛋榚，26號秀文生日，我都有送禮物，其實物輕情義重，都係想大家開心吓啫。」

眾人Chok趣怪甫士合照。
  • 眾人Chok趣怪甫士合照。