無綫低調賀台慶 馬國明翠如舉腳贊成

無綫將於11月19日迎來52周年台慶，早前落實推出台慶劇《牛下女高音》及《多功能老婆》等，不過鑑於近日社會氣氛緊張，有關方面決定與港人「共度時艱」，今年未有計劃大事慶祝，台慶當晚主題更定為「唱好香港」，動員全台藝人為港人打氣。

擔心交通出問題

踏入台慶月，無綫將台慶亮燈及節目巡禮定於11月8日，假電視城以簡單儀式進行。因擔心屆時交通出現問題，為確保節目流程順利，故決定一改慣常做法，不會接待廣告商到場見證，留待日後透過平面媒體介紹節目，並交由營業部相約廣告客戶見面及解釋詳情。

黃智雯：最緊要開心

對於無綫台慶活動作出特別安排，一眾小生及花旦表示明白及支持，馬國明說：「我都有睇財經新聞，明白香港嚟緊要面對好大挑戰，有個節目幫各行各業打氣加油係好事，等公司安排，我哋做演員會配合，希望香港愈嚟愈好。」而陳展鵬表示：「我哋上次搞咗個《香港唱好演唱會》，舉行得相當順利，咁公司再有相關嘅安排，我哋梗係支持啦。」黃翠如亦非常贊成：「簡簡單單都好，一切跟隨公司安排。」至於黃智雯表示：「我唔係太清楚，因未收到相關通知，不過依家社會氣氛咁，我都支持公司嘅決定，最緊要係大家開開心心。」