袁偉豪婚前身痕揈百六萬買玩具
藝人袁偉豪與女友張寶兒拍拖至今不時被催婚，最近更獲高人指點，批算兩人「唔結就分」！向來視女友為結婚對象的他極為信邪，決定趕於明年迎娶佳人，正積極籌備婚禮的他，近日豪擲百多萬港元購下靚車，接載「未來老婆」出入。
現年38歲的袁偉豪（Ben）與港姐出身、27歲的張寶兒，前年合作無綫旅遊節目《打工捱世界Ⅱ》時一撻即着，拍拖約兩年來感情穩定，去年他經歷喪父之痛，亦多得女友陪着他振作，一早已認定對方為結婚對象。
縱使寶兒出身富貴，父親於禮頓山擁有多個物業，至少有三億身家，但Ben近年已融入張家，並過了未來外父、外母一關，難怪他積極工作，去年成為星馬雙料視帝後身價更三級跳，早已儲下不少老婆本。今年5月，他拍攝寫真集時，還趁機與女友拍了一輯Pre-wedding照，卻遲遲未落實婚期。
有共識外地註冊
據知，Ben最近獲高人指點，表明他與寶兒「唔結就分」，加上受到即將結婚的老友陳山聰感染，希望盡快組織家庭，遂決定明年把寶兒「私有化」！由於曾在英國讀書的女友喜歡歐洲景色，兩人已有共識於外地註冊。
最近忙於趕劇的他，日前獨自驅車離開將軍澳寓所，見他駕駛落地約兩個月、價值約160多萬港元的Audi名車直駛銅鑼灣，下車時見記者追訪亦笑笑口打招呼。問到是否特地換新車來接載女友遊車河？他笑說：「間中都有o架！之前嗰架成日壞嘛。（百幾萬好捨得喎！）男仔係玩呢啲玩具o架啦！」說畢匆匆往會合友人醫肚。
承諾會修心養性
事後Ben再接受本報訪問，提及動用老婆本買新車，他說：「我舊年都辛苦咗成年，架車都係買份禮物畀自己，喺自己進入人生另一階段之前獎勵吓自己嘛！婚後我要修心養性，寶兒都好支持我，同我一齊去揀車。」