遲幫囡囡攞出世紙 城城：罰咗幾百蚊
天王郭富城昨日出席活動，大談健康生活，他指將來若有時間，會偕妻女離港開工：「開完騷、做完嘢，留一、兩日去玩。（帶過細女二寶去旅行？）未呀。」並爆二寶秘密：「佢係肥妹，不過係好事，BB冇咩準則分肥唔肥，但佢啲手腳係『米芝蓮』。（忍唔住想咬？）唔捨得，好得意、好玩，生活上有好多嘢令自己開心。」
新片入圍東京國際電影節
提到他日前才為出世5個月的二寶領出世紙，過了規定的42日限期而被罰錢，他說：「一直都好忙，係罰咗少少錢，幾百蚊，冇辦法。（你唔記得？）唔會唔記得，想爸爸媽媽一齊去拎。（家姐錫妹妹？）佢會摸同錫妹妹，睇到好安慰同開心。」
之後城城宣布主演的電影《麥路人》入圍東京國際電影節「亞洲未來」單元，他興奮說：「好開心！記得呢部電影嘅監製專登飛去康城搵我，畀劇本我睇，希望借香港嘅貼地題材，令全世界感受到香港電影嘅力量，攞唔攞到獎都係其次。繼《踏血尋梅》之後，呢部戲發揮得好滿足。（屆時會出席？）抽到時間會去，期待同劇組一齊踏上紅地氈。」
方媛人比花嬌
另外，城城老婆方媛日前打扮靚靚上插花班，她表示自己是最快完成的學生，不少網民讚她人比花嬌，散發天王嫂的魅力。