一定要食中餐謝文欣歐遊麻煩
星夢歌手謝文欣（Ally）早前與媽咪到英國出席妹妹的畢業禮，再齊齊飛法國首度三母女旅行。整個旅程中，Ally感到妹妹成熟不少，能全力照顧她與媽媽，反而自己是個「麻煩友」，皆因有個「亞洲胃」，她說：「我每日一定要有一餐食中餐，如果淨係食西餐，會周身唔舒服，搞到我個妹都忍唔住話我煩，睇嚟我唔適合搬去外國住！」
她又自覺似老人家：「我哋去大型商場Shopping，但我對名牌唔太感興趣，加上行一陣已經好攰，所以就自己坐喺度等佢哋，連媽咪都有精力過我，我真係成個老人家咁，比老人家更加老人家！」
