出戰健美賽陳偉洪推走5位數

港男出身的無綫藝人陳偉洪，為健美比賽苦練3個月，操出巨型胸肌及超明顯腹肌！他直言過程緊張又期待，特別多謝家人、朋友及教練的支持：「通常人哋要準備成年，所以我每日都用到好盡，一星期做十幾個Section運動。為咗專心比賽，我推咗好多工作，損失5位數字一定有，但呢段美好回憶，用錢都買唔到！」他希望憑經歷帶出正能量，勉勵大家挑戰自己：「雖然今次冇贏到比賽，但我贏咗歷練、健康同朋友對我嘅敬佩，最緊要贏咗自己。」