李施嬅爭視后：唔知有冇資格！

藝人李施嬅昨日現身電台宣傳無綫熱播劇《金宵大廈》，甫受訪即笑言最近不停被追問劇中角色Alex是生是死：「我拍緊嗰陣都唔知生定死，好懸疑。」劇集好評如潮，問到可有信心爭視后？她笑言都想，不過最睇好陳山聰攞視帝：「佢有機，我就冇機，都唔知有冇資格，最想拎《最佳劇集》。（關離巢事？）都係，但其實冇都開心，套劇反應太好，網民仲要求我拎視后，如果唔係以後唔睇TVB，呢個得着畀起攞任何獎嘅感覺都更加重。」離巢後才有作品大受歡迎可會覺得可惜？她坦言是留下美好回憶：「好過走咗冇人記得我！」