蘇玉華讚葉德嫻挑剔有理
影后葉德嫻（Deanie）、蘇玉華（阿蘇）、潘燦良和凌文龍，首次合演共27場的舞台劇。Deanie與阿蘇日前受訪，初演舞台劇的Deanie坦言視為「大考」：「咁嘅年紀、有咁嘅機會，唔知能唔能夠駕馭。（太遲踩入舞台劇界？）曾經有人搵過，但覺得劇本唔啱，今次做係因為對手，佢哋求其一個都令我Say Yes。」並笑言現時每三個月驗一次血：「有病就要快啲醫，唔好依家嚟死，呢個係最基本責任嚟。」
問到阿蘇與影后交手可有壓力？她說：「尤其初初傾合作時，好怕佢會推。老實講呢個角色Deanie姐係不二之選，我諗唔到仲有邊個女演員可以駕馭？」對於Deanie經常被指挑剔，阿蘇另有睇法：「佢係嚴謹同專業，唔能夠錯過任何細節，呢樣嘢係我最鍾意，同埋學到嘢，演員係應該咁挑剔同仔細。我覺得演員同醫生冇分別，醫生唔可以求其，做演員都唔可以。」
場地：香港藝術中心