林海峰尾場食螺絲留憾
藝人林海峰（Jan）前晚完成一連7場在紅館舉行的Talk Show，Encore時請來拍檔葛民輝上場，全場觀眾亮起手機燈變成燈海。完騷後受訪，講到台上頻「食螺絲」，Jan說：「Live梗有錯誤，呢啲好似生命入面總有少少遺憾，係正常，要擁抱呢啲遺憾。（尾場錄影就出事？）頭場錄影仲差過今日，覺得自己暢順咗，有幾個位就嚴重食螺絲，直情叫『撻喺度』，起番身再做囉！」
提到太太彭羚（Cass）為他加油，Jan說：「Cass畀咗個Message我，佢睇打羽毛球時聽到旁述講如果你失咗一分唔緊要，一分一分追番上去，就因為呢個訊息，我有乜事咪一分一分咁追番囉，Live就係咁o架啦！」講到遇上社會議題，做騷要令觀眾開心是否有難度？他說：「從來都有難度，但難都要做。」阿葛接着說：「係迎難而上。」