今年5月，藝人江若琳老公蕭潤邦（Oscar）的生煎包店開設第五間分店，他指近期飲食店的生意受社會環境影響：「波動點都有啲，但我哋食店係大眾化，團隊又做好準備，會做多啲優惠。」續說：「（店舖）減租畀你係人情，唔減係道理，不過如果有啲要傾新租金，業主都有啲啲減。」並透露原本計劃未來半年再開兩間分店，但會再視乎情況而定。
至於在尖沙咀經營法國餐廳的藝人黃祥興，面對近日市面人流及客流大減，不少飲食業倒閉結業，他昨日被問到餐廳生意有否受影響時，坦言：「我哋係上樓舖，又唔喺遊客區，主要係做熟客生意，上個月影響都係輕微，不過今個月生意額真係明顯跌咗好多，市民少咗出街消費、食飯，到咗呢個情況，可能會同業主傾吓有冇啲乜嘢解決方法。」