中佬主角「四散」 《牛下》唔益黃心穎焗住零宣傳

劇集《牛下女高音》由重拍無望成倉底貨，再變為台慶劇之一，可謂幾經波折，現時劇集定於10月7日首播，不過由於事出突然，劇中主角因有其他工作在身而未能度期宣傳，先是張振朗月初不在港，而鍾景輝（King Sir）因健康問題要在家休養，吳岱融現於馬來西亞忙拍攝新片，鄭敬基已返回加拿大，就連蔣志光及歐瑞偉都正為劇集《大步走》忙於拍攝。雖然如此，據知無綫仍繼續當因偷食人夫許志安而避走出國的黃心穎「透明」，為免她搶Fo，沒有聯絡她返港谷劇，故劇組方面因「人腳」問題，暫時仍未能定出宣傳日期。

唔會驚動抗癌鍾景輝

其實《牛》劇的靈魂人物是King Sir及一班「中佬」吳岱融、蔣志光、歐瑞偉、鄭敬基等，King Sir因患腸癌需要在家靜心休養，記者早前致電他，其聲線微弱，至近期有指他較之前消瘦。記者昨日以短訊聯絡King Sir，問到現時的狀況，他表示身體情況OK，再問會否出席《牛》劇宣傳，他說：「多謝關心，要看情況，謝謝！」而監製黃偉聲表示為免King Sir太頻撲，即使有宣傳活動，亦不打算安排他出席。至於黃心穎於首集便會出場，劇中飾演King Sir孫女兼張振朗好友，是一名失婚宅女，故其打扮相當樸素，經常戴眼鏡、T恤便裝出現。