蘇慧恩漏夜練歌代蔣嘉瑩開騷

歌手施匡翹前晚原定與師姐蔣嘉瑩舉行音樂會，惟蔣嘉瑩患肺炎而留院，臨時頂上的蘇慧恩指前一晚才收到通知：「心情好緊張、又擔心佢嘅病情，漏夜去咗男友屋企練歌，練到凌晨3點。第一次同施匡翹合唱，加上對新編嘅《假如真的再有約會》唔熟，要用多啲時間聽熟拍子。」而施匡翹透露蔣嘉瑩有報平安：「希望佢快啲好番，或者遲啲我哋三個可以一齊Crossover。」